(Видео) Публиката на третата фестивалска вечер од „Prilep Beer Weekend“ имаше можност да ужива во настапите на Миле Кузмановски, Сања Вучиќ и Амадеус Бенд

На третата фестивалска вечер од „Prilep Beer Weekend“ публиката имаше можност да ги види и слушни Миле Кузмановски, Сања Вучиќ и Амадеус бенд...

Во централното градско подрачје на плоштадот „Александрија“ во Прилеп синоќа се одржа третата финална фестивалска вечер од прилепскиот фестивал посветен на пивото и скарата „Prilep Beer Weekend“.

На третата и последна фестивалска вечер публиката имаше можност да ги види и слушни, а и да ужива во настапите на Миле Кузмановски, Сања Вучиќ и Амадеус бенд. Како изненадување за сите и за публиката и за медиумите беше настапот на Сашо Башески на последната фестивалска вечер. Башески ја отпеа „Македонско девојче“ песна со која што се претсатви и учевствуваше во едно од најгледаните балкански музички шоу програми „Никогаш не е доцна“.

Веднаш по настапот на Башески, фестивалкската сцена му припадна на Миле Кузмановски кој што ја забавуваше публиката околу час и половина со добра македонска музика. Кузмановски покрај неговите добро познати хитовски Крал без круна, Не кани ме... отпеа неколку хитовски песни како од Гоце Арнаудов така и од Војо Стојановски. За време на настапот на Кузмановски во бекстејџот се изигра и традиционално македонско оро.

По завршувањето на настапот на Кумзнаовски фестивалската сцена и припадна на музичката ѕвезда на вечерта, а и на целиот фестивал Сања Вучиќ. Со својот настап Вучиќ направи „бум’’ и публиката уживаше и беше во пријатно расположение од самиот почеток до самиот крај на настапот на Вучиќ. Секако, неизбежен дел од настапот и присуството на Вучиќ во Прилеп беше и фотографирањето на публиката заедно со Сања, а ние не ја испуштивме таа прилика па направивме неколку фотографии со Сања.

Имено, за крај на третата фестивалска  вечер и за крај на целата музичка програма од фестивалот настапија српскиот бенд Амадеус. Членовите од Амадеус бенд не штедеа ниту глас ниту ноти, така што и тие приредија убава забава за прилепчани и за сите останати посетители на фестивалот. Амадеус највеќе обрнаа внимание на нивните добро познати хитовски песни како што се Изнад колена, Ако мене питате, Није свеједно и други.

Ева Јовановска и Ване Маркоски, водители

Инаку, публиката имаше можност да ги види и слушни Ева Јовановска и Ване Маркоски кои беа во улога на водители на вториот по ред „Prilep Beer Weekend“.

Христијан Ангелески

#Култура