„Зошто сине ти си замина“ нова песна на Александар Темелков

 Александар Темелков со нова песна под наслов „Зошто сине ти си замина“...

„Зошто сине ти си замина“ е новонасловената песна на македонскиот фолк пејач Александар Темелков. Новата песна на Темелков беше промовирана денеска на јутјуб каналот на Александар Темелков.

Тексот е на Стојан Лазарески и Александар Темелков, музиката е на Александар Темелков, аранжманот за новата песна на Темелков „Зошто сине ти си замина“ е на Славко Ристески, а додека пак видео обработката за новата песна на Темелков е на Александар Спасенцовски.

Имено, како што напиша Темелков на социјалните мрежи неговата нова песна под наслов „Зошто сине ти си замина“ е наменета за трагично загинатиот син на неговиот менаџер кој загинал пред 11 години, а и за сите останати млади кои прерано го загубиле животот и ги оставиле своите најмили во црнина да тагуваат додека се живи.

Инаку, Алекснадр Темелков се прослави со учеството во едно од најгледаните балкански музички шоу програми „Ѕвездите на Гранд“, а негов ментор во ова шоу беше пејачката Виолета Вики Миљковиќ. Темелков на своите настапи во ова шоу ги изведе песните Ајде сите на нозе, Само тебе јас те сакам, Зег зег дадумле, Стари шнајдер и други.

„Зошто сине ти си замина“ е четврта песна на Темелков, а неговите три други песни се со наслов Ж’та Тиквешка, Ах мори Магде и Сиромах се родих ја.

На линкот подолу можете да ја слушнете новата песна на Темелков насловена како „Зошто сине ти си замина“, а ние се надеваме дека песната ќе ви се допадне вас исто како што ни се допадна и нас.

Екипата на ИНФО-ПРИЛЕП на Александар Темелков му посакувa многу успеси во музичката кариера и го очекува со голем солистички концерт.

Х.А

#Естрада