Дамјан Ристески: Каратето ми е професија која сакам да ја работам со големо задоволство
Дамјан Ристески од прилепскиот клуб за карате „Бонсаи“ ги положи тестовите и сега е балкаснки судија за карате...
Дамјан Ристески 27 годишен каратист и карате инструктор во втор дан од карате клубот „Бонсаи“ од Прилеп положи за балкански судија на натпревар кој се одржа во Сараево, Босна и Херцеговина. Натпреварот се одржа од 8.11.2024 до 10.11.2024 година, а Ристески положи тестови за две дисциплини кати и борби.
Имено, Ристески во интервјуто кое што го даде за нашиот портал ИНФО-ПРИЛЕП вели дека е презадоволен од резултатот и дека тој судел сите три дена на натпреварот на натпреварувачи од балканот и дека сите тестови ги поминал солидно. Ристески во интервјуто додава дека ова за него е едно големо достигнување како карате судија но и во неговиот приватен живот. Натпреварот во Сараево беше за кадети, јуниори и јуниорки до 21 година.
Во продолжение читајте го целосното интервју на Дамјан Ристески кој го даде за ИНФО-ПРИЛЕП.
Инфо Прилеп: Од каде желбата за учество на натпреварот по карате во дисплините кати и борби во Сараево, Босна и Хергеговина?
Дамјан Ристески:. Желбата ја имав уште од пред неколку години, најпрво положив за државен судија во 2017, и најголема цел во моите 20ти години ми беше да станам балкански судија во карате.
Инфо Прилеп: Како се одвиваше натпреварот?
Дамјан Ристески:Натпреварот се одвиваше три дена, ние бевме таму претходно еден ден полагавме теорија, а потоа судевме сите три дена од 9:00 часот наутро па скоро до вечерните часови.
Инфо Прилеп: На каков начин постигна положување на балкански судија во кати и борби?
Дамјан Ристески: Четвртокот ни беше теорискиот дел во кати и борби, односно тоа беа прашања кои ги одговаравме, а потоа следеше и видео практичен тест во кати, да оцениме двајца каратисти кој е подобар. Другите денови практичниот дел не оценуваа какви оцени даваме во кати, а за борби дали брзо реагираме со знамиња за давање и како главен судија во еден меч, ги оценуваа нашите гестикулации како ги даваме на натпреварувачите.Тоа го поминавме солидно и во саботата навечер ни ги доделија нашите лиценци за балкански судии.
Инфо Прилеп: Дамјан велиш дека ова за тебе е едно големо достигнување како карате судија но и во приватниот живот, ајде нешто повеќе за ова!
Дамјан Ристески:Да, беше големо искуство за мене, поради големиот број на натпреварувачи. Да се суди на таков настан е солидно, големо искуство за мене во судската карате кариера и животот и се надевам понатаму ќе судам на вакви големи карате настани.
Инфо Прилеп:Од каде ти е желбата за тренирање и професија да ти биде баш каратето?
Дамјан Ристески: Каратето ми е професија која ја сакам да ја работам со големо задоволство, посебно ми е драго да ги учам помладите каратисти на вистински вредности кои го дава каратето, а желбата ја имам уште од мали нозе. Во оваа вештина сум 21 година, претходно како натпреварувач, а сега како карате инструктор ( втор дан) и балкански судија.Сеуште сакам и ќе продолжам да ја работам оваа професија и во иднина.
Екипата на ИНФО-ПРИЛЕП на Дамјан му посакува успеси како на приватен план така и на професионален карате план.
#Спорт
Коментари
Постави коментар